shats › o'zbekcha ovozli ai yordamchi

O'zbekcha buyuring,kompyuter bajaradi.

SHATS — Windows uchun ovozli yordamchi. «SHATS» deb chaqirasiz, gapirasiz: fayl ochadi, hisoblaydi, internetdan topadi, Excel tuzadi, Telegram orqali uzoqdan ham ishlaydi.

SHATS'ni yuklab olish Kiber Shell
7kun bepul sinov
6bepul AI xizmati
12Kiber Shell moduli
5tarif
shats › imkoniyatlar

Bitta yordamchi,ko'p ish.

Hammasi ovoz bilan ham, yozib ham, Telegram'dan ham ishlaydi.

Ovoz

«SHATS» so'zini eshitib uyg'onadi, o'zbekchani tushunadi, tabiiy ovozda javob beradi. Diktant rejimida aytganingizni Word yoki Telegram'ga yozadi.

Kompyuter

Dastur va papkalarni ochadi, fayl yaratadi, ekranni ko'radi, tizim holatini aytadi. Faylni o'zgartirishdan oldin ruxsat so'raydi.

Telegram

O'z botingiz orqali uzoqdan buyruq berasiz. Bot faqat sizning ID'ingizga javob beradi, ochiq port kerak emas.

Telefon

Android ilovasi orqali masofadan boshqaruv. To'liq boshqaruv Pro tarifida.

Hujjat va hisob

Excel tuzadi, fayllarni tahlil qiladi. Masalan: 1250 dollarni 12 oyga 12% bilan hisobla

Qidiruv

Internetdan so'nggi ma'lumotni manbasi bilan topadi, mavzuni o'rganib xulosa yozadi.

Kod

Kod agenti loyihangizni o'qiydi, xatoni topadi va tuzatishni tekshiradi.

Eslatma va jadval

Eslatma qo'yadi, belgilangan vaqtda ishni o'zi bajaradi. Tayyor buyruq shablonlari bor.

Bir necha kompyuter

Kompyuterlarni ID orqali ulab, buyruq, fayl va xabar yuborasiz. «Xabarlar» oynasi Telegram uslubida.

O'qituvchi va biznes

Dars rejasi, test, ota-onaga xabar. Biznes uchun CRM, kassa, ombor, KPI va Telegram bot.

Maxfiylik

Tarix va kalitlar o'z kompyuteringizda. Maxfiy rejimda faqat lokal model (Ollama) ishlaydi.

shats › api ulash

Bepul kalit oling,SHATS'ga ulang.

SHATS sun'iy intellektga sizning shaxsiy kalitingiz orqali ulanadi. Bittasi yetadi. Bir nechtasini qo'shsangiz, biri band bo'lganda keyingisiga o'zi o'tadi.

Google Gemini

Asosiy. Ovozni tanish, tabiiy ovoz va rasm tahlili.
Kalit olish

Groq

Tez javob. Ovozni tanishda zaxira.
Kalit olish

Cerebras

Juda tez, vazifalarni tez bajaradi.
Kalit olish

OpenRouter

Ko'plab bepul modellar bir joyda.
Kalit olish

Mistral

Zaxira.
Kalit olish

Ollama bulut

Zaxira, oylik kichik limit bilan.
Kalit olish
  1. Kalitni oling. «Kalit olish»ni bosing, Google yoki email bilan kiring, yangi kalit yarating.
  2. SHATS'ga joylang. Sozlamalardagi AI kalitlari bo'limida tegishli qatorga qo'ying.
  3. Tekshiring. SHATS kalitni o'zi sinaydi. Yashil belgi chiqsa, tayyor.

Kalit faqat sizning kompyuteringizda saqlanadi. Uni hech kimga, adminga ham yubormang.

shats › tekin vositalar

Bular uchunpul to'lanmaydi.

7 kun

To'liq sinov

O'rnatgan kuningizdan 7 kun cheklovsiz sinaysiz.

0 so'm

Bepul AI modellar

Gemini, Groq, Cerebras va boshqalarning bepul limitlari.

0 so'm

O'zbekcha ovoz

Nutqni matnga, matnni nutqqa aylantirish. Sardor va Madina ovozlari.

0 so'm

Telegram boshqaruvi

Botni @BotFather'da bepul ochib, SHATS'ga ulaysiz.

0 so'm

Oflayn model

Ollama orqali model kompyuterning o'zida, internetsiz ishlaydi.

0 so'm

Dars rejasi va test

Har qanday faol tarifda ochiq.

shats › kiberxavfsizlik rejimi

KiberShell.

Himoya tomonda ishlaydiganlar uchun alohida rejim. Kiber Shell kompyuteringiz, tarmog'ingiz va saytingizning xavfsizlik holatini o'qiydi, baholaydi va nimani tuzatish kerakligini aytadi. Hech narsaga hujum qilmaydi. Modulni tanlang.

    127 000 so'moyiga, Kiber tarifi
    Kiber'ni sotib olish
    namuna chiqish

    Kiber rejimi bepul sinovda ochilmaydi: faqat Kiber tarifi bilan ishlaydi. Foydalanish qoidalari keyingi bo'limda.

    shats › qonuniy foydalanish

    Faqat ruxsat bilan,faqat himoya uchun.

    Kiber Shell passiv vosita: u tizim o'zi ochiq ko'rsatadigan ma'lumotni o'qiydi. Quyida u aniq nima qilishi va nima qilmasligi yozilgan.

    Nima qiladi

    • O'z kompyuteringiz himoyasini o'qiydi: antivirus, faervol, yangilanishlar, SMBv1, UAC, BitLocker, RDP, parol siyosati.
    • Saytni brauzer kabi ochib tekshiradi: HTTP sarlavhalar, TLS sertifikat, DNS, SPF va DMARC, cookie, security.txt.
    • 0 dan 100 gacha xavfsizlik bali va A–F baho beradi.
    • Atrofdagi Wi-Fi va Bluetooth qurilmalarini faqat ko'radi: nom, signal, kanal, himoya turi.
    • CVE bazasidan qidiradi (NVD va CISA KEV manbalaridan yangilanadi).
    • Faylni ochmasdan tahlil qiladi: turi, SHA-256, shubhali makro va skript belgilari.
    • Keraksiz IP manzilni o'z kompyuteringiz faervolida bloklaydi.
    • Topilmalar bo'yicha hisobot tuzadi: nima, qayerda, qanday tuzatiladi.

    Nima qilmaydi

    • Zaiflikdan foydalanib tizimga kirmaydi (ekspluatatsiya yo'q).
    • Zararli so'rov yoki payload yubormaydi.
    • Parol tanlamaydi va buzmaydi.
    • Begona Wi-Fi tarmog'iga ulanmaydi, qurilmalarni tarmoqdan uzmaydi.
    • Boshqa odamning qurilmasi yoki akkauntiga kirish bermaydi.
    • Zararli dastur yaratmaydi va tarqatmaydi.
    • Topilmalarni to'qib chiqarmaydi: faqat tekshirilgan belgilarni ko'rsatadi.
    Ogohlantirish. Begona tizimni egasining ruxsatisiz tekshirish, unga kirishga urinish yoki ishini buzish O'zbekiston qonunchiligiga ko'ra javobgarlikka sabab bo'ladi. SHATS'dan qanday foydalanishingiz uchun o'zingiz javob berasiz.

    Foydalanish qoidalari

    1. Faqat o'zingizniki yoki ruxsat berilgani. Kiber Shell'ni o'zingizga tegishli qurilma, tarmoq va saytlarda yoki egasi ruxsat bergan tizimlarda ishlating.
    2. Ruxsat yozma bo'lsin. Unda nima tekshirilishi, qaysi sanalarda va kim tomonidan tekshirilishi ko'rsatilsin. Og'zaki kelishuv nizo chiqqanda sizni himoya qilmaydi.
    3. Doiradan chiqmang. Ruxsatda yozilmagan domen, server yoki qurilmaga tegmang.
    4. Topilmani egasiga ayting. Zaiflik topsangiz, uni faqat tizim egasiga xabar qiling. Ommaga e'lon qilmang va undan foydalanmang.
    5. Hisobotlarni maxfiy saqlang. Hisobotda tizimning zaif joylari yozilgan. Uni begonalarga bermang.
    6. Begona ma'lumotni yig'mang. Atrofdagi qurilmalar ro'yxati sizga o'z tarmog'ingizni tushunish uchun ko'rsatiladi, boshqalarni kuzatish uchun emas.
    7. Qoidani buzish oqibati. Kiber Shell noqonuniy maqsadda ishlatilgani aniqlansa, litsenziya to'lov qaytarilmasdan bekor qilinadi.

    Tegishli qonunlar

    Kiberxavfsizlik to'g'risida

    Qonun, O'RQ-764, 2022-yil 15-aprel. 37-modda: qonunchilikni buzganlik uchun javobgarlik.
    Lex.uz

    Jinoyat kodeksi, XX¹ bob

    Axborot texnologiyalari sohasidagi jinoyatlar.
    Lex.uz

    Shaxsga doir ma'lumotlar to'g'risida

    Qonun, O'RQ-547, 2019-yil 2-iyul.
    Lex.uz

    Bu bo'lim yuridik maslahat emas. Aniq vaziyat bo'yicha yuristga murojaat qiling.

    shats › tariflar

    Sinovdan keyino'zingizga mosini.

    To'lov va aktivatsiya kodi admin orqali: @shats_ai. 12 oylik to'lovda 2 oy bepul.

    shats › litsenziya shartlari

    Sotib olganingizdanima olasiz.

    Tarif sotib olish sizga quyidagi huquqlarni beradi. Dastur sotilmaydi, undan foydalanish huquqi beriladi.

    Sizga beriladigan huquqlar

    1. Bepul sinov. Har bir yangi foydalanuvchi SHATS'ni 7 kun to'lovsiz sinaydi. Kiber rejimi sinovga kirmaydi.
    2. Foydalanish huquqi. To'langan muddat davomida (1, 3, 6 yoki 12 oy) tanlangan tarifning barcha imkoniyatlaridan bitta kompyuterda foydalanasiz.
    3. Bitta kod, bitta qurilma. Aktivatsiya kodi kompyuteringizning 12 xonali ID'siga bog'lanadi va faqat shu kompyuterda ishlaydi.
    4. Qurilmani almashtirish. Kompyuteringiz o'zgarsa, faol tarifni yangisiga ko'chirtirasiz. Qolgan muddat saqlanadi. Ko'chirish 120 kunda bir marta mumkin.
    5. Yangilanishlar. Tarif faol bo'lgan davrda chiqqan yangi versiyalarni qo'shimcha to'lovsiz olasiz. Yangilashda ma'lumotlaringiz saqlanib qoladi.
    6. Ma'lumotlaringiz sizniki. Suhbat tarixi, xotira va fayllaringiz o'z kompyuteringizda turadi. Ularni xohlagan vaqtda ko'chirasiz yoki o'chirasiz.
    7. Yordam. O'rnatish, aktivatsiya va nosozliklar bo'yicha Telegram orqali yordam olasiz: @shats_ai.

    Cheklovlar

    1. Kodni boshqaga bermang. Aktivatsiya kodini sotish, ulashish yoki ommaga tarqatish mumkin emas.
    2. Himoyani buzmang. Litsenziya tekshiruvini chetlab o'tish, dasturni o'zgartirib tarqatish taqiqlanadi.
    3. Qonuniy maqsad. SHATS va Kiber Shell'dan faqat qonunga zid bo'lmagan maqsadlarda foydalaning.
    4. Javobgarlik. SHATS yordamida bajargan harakatlaringiz va ularning oqibati uchun o'zingiz javob berasiz. AI javoblari xato bo'lishi mumkin: muhim qarorlardan oldin tekshiring.
    5. Bekor qilish. Shu cheklovlar buzilsa, litsenziya bekor qilinishi mumkin.
    shats › maxfiylik siyosati

    Ma'lumotingizo'zingizda qoladi.

    SHATS qaysi ma'lumot bilan ishlashi, u qayerda turishi va qayerga ketishi quyida modda-modda yozilgan.

    Kompyuteringizda qoladi

    1. Suhbat va xotira. Suhbat tarixi, eslatmalar, sozlamalar va tarif holati kompyuteringizdagi SHATS papkasida saqlanadi. Bizga yuborilmaydi.
    2. API kalitlari. Kalitlaringiz faqat kompyuteringizda turadi. Biz ularni ko'rmaymiz va so'ramaymiz.
    3. Kiber natijalari. Tizim auditi, fayl tahlili va skan hisobotlari mahalliy saqlanadi, hech qayerga yuborilmaydi.

    Kompyuterdan tashqariga chiqadi

    1. AI xizmatiga so'rov. Savolingiz javob olish uchun siz ulagan xizmatga (masalan Gemini yoki Groq) o'z kalitingiz bilan yuboriladi. U yerda shu xizmatning o'z maxfiylik qoidalari amal qiladi.
    2. Ovoz, rasm va ekran. Bulut ovozi yoqilgan bo'lsa, ovoz yozuvi matnga aylantirish uchun AI xizmatiga yuboriladi. Rasm va ekran tasviri faqat siz tahlil so'raganingizda yuboriladi.
    3. Telegram. Botni ulasangiz, xabarlar Telegram serverlari orqali o'tadi. Bot faqat sizning ID'ingizga javob beradi.
    4. Kompyuterlarni ulash. ID orqali ulanishda xabarlar bulutdagi vaqtinchalik jadval orqali o'tadi. Har bir xabar PIN asosida shifrlanadi (AES-GCM) va o'qilgach o'chiriladi. Kompyuter ID'si onlayn belgisi sifatida ko'rinadi.
    5. Internet so'rovlari. Qidiruv, ob-havo, valyuta kursi va sayt tekshiruvi tegishli ochiq xizmatlarga so'rov yuboradi.

    Biz nimani saqlaymiz

    1. Hisob ma'lumotlari. Ro'yxatdan o'tganingizda email, username, ism, familiya, telefon raqami, foydalanuvchi raqami va (ilovaga kirganingizdan keyin) SHATS ID serverimizda saqlanadi. Parolingiz ochiq holda saqlanmaydi, faqat xeshi.
    2. Litsenziya yozuvi. Tarif sotib olganingizda biz faqat shularni saqlaymiz: kompyuter ID'si, tarif turi, muddati, tugash sanasi, qurilma almashtirishlar soni va aloqa uchun Telegram nomingiz.
    3. Nima uchun. Bu yozuv kod berish, muddatni hisoblash va qurilmani almashtirish uchun kerak. Reklama uchun ishlatilmaydi, uchinchi shaxslarga sotilmaydi va berilmaydi.
    4. Suhbatlaringizni ko'rmaymiz. SHATS ichida nima yozganingiz yoki aytganingiz bizga kelmaydi.

    Sizning nazoratingiz

    1. Maxfiy rejim. Yoqilganda faqat kompyuterdagi model (Ollama) ishlaydi: qidiruv, Telegram va bulut ovozi o'chadi.
    2. Rasm va ekranni yubormaslik. Alohida sozlama bilan rasm va ekran tasvirini bulutga yuborishni butunlay o'chirasiz.
    3. Tarix muddati. Suhbat tarixini 7, 30 yoki 90 kundan keyin avtomatik o'chiriladigan qilasiz.
    4. O'chirish so'rovi. Hisobingiz yoki litsenziya yozuvingizni ko'rish yoki o'chirtirish uchun @shats_ai ga yozing. Faol tarif yozuvi o'chirilsa, qurilmani almashtirish imkoni ham yo'qoladi.

    Shu sayt

    1. Kuzatuv yo'q. Saytda reklama va statistika skriptlari yo'q. Brauzeringizda faqat ikki narsa saqlanadi: tanlagan ko'rinishingiz (Oddiy yoki Hack) va hisobga kirganingiz haqidagi sessiya. Shriftlar Google Fonts'dan yuklanadi.

    Kuchga kirgan sana: 2026-yil 11-noyabr

    shats › yuklab olish

    Hisob oching,7 kun sinang.

    SHATS, ommaviy nashr

    Windows uchun. O'rnatuvchi hammasini o'zi sozlaydi, sinov avtomatik boshlanadi.

    Yuklab olish uchun hisobingizga kiring.

    1.0.47 versiya, taxminan 14 MB

    Telefon ilovasi

    Android. Kompyuterdagi SHATS'ni telefondan boshqarasiz.

    Kiber nashri

    Fayl va kod to'lovdan keyin admin orqali beriladi.
    Adminga yozish
    1. Saytda ro'yxatdan o'ting va emailingizni tasdiqlang.
    2. O'rnatuvchini yuklab oling va ishga tushiring.
    3. SHATS'ga shu hisob bilan kiring: profilingiz o'zi ko'chadi.
    4. Bepul API kalitini qo'shing va 7 kun sinab ko'ring.
    5. Yoqsa, ilovadagi 12 xonali ID'ni adminga yuboring va kod oling.